തിരുവനന്തപുരം: എക്സൈസ് വകുപ്പിൽ ഉദ്യോഗസ്ഥർ നടത്തിയ ഗുരുതര ക്രമക്കേടുകൾ സംബന്ധിച്ച റിപ്പോർട്ടുമായി സീറാം സാംബശിവ റാവു. ഇന്നലെ എക്സെെസ് കമ്മീഷണർ സ്ഥാനത്ത് നിന്നും മാറ്റുന്നതിന് മുമ്പാണ് കൈക്കൂലി ആരോപണം ഉൾപ്പെടെയുള്ള ആരോപണങ്ങൾ അടങ്ങുന്ന റിപ്പോര്‍ട്ട് സമര്‍പ്പിച്ചത്. എക്സൈസ് കമ്മീഷണറേറ്റില്‍ ജെഇസിയായി സേവനമനുഷ്ഠിക്കുന്നതിനിടെ വിനോദ് എന്ന ജോയിന്റ് എക്സൈസ് കമ്മീഷണര്‍ ഗംഗ എന്ന ബാറിന്റെ നടത്തിപ്പുകാരന് അവരുടെ ലൈസന്‍സ് സംബന്ധമായ എല്ലാ കാര്യങ്ങളിലും ലേസന്‍ വര്‍ക്ക് ചെയ്തുവന്നിരുന്നതായി റിപ്പോര്‍ട്ടില്‍ പരാമര്‍ശമുണ്ട്.
വിനോദ് ആലപ്പുഴ ഡിസിയായിരിക്കുമ്പോള്‍ ഗംഗ ബാര്‍ ഉടമയുമായി ബന്ധം നിലനിര്‍ത്തി വരികയാണെന്നും റിപ്പോര്‍ട്ടില്‍ പറയുന്നു. ആലപ്പുഴ ജില്ലയില്‍ ഇന്‍സ്‌പെക്ഷന് പോകുമ്പോള്‍ 30,000 രൂപ ബാര്‍ ഉടമ നല്‍കണമെന്ന് അദ്ദേഹത്തിന്റെ സുഹൃത്തിനോട് പറഞ്ഞതായി വിവരം ലഭിച്ചിട്ടുണ്ടെന്നും സാംബശിവറാവും റിപ്പോര്‍ട്ടില്‍ വ്യക്തമാക്കുന്നുണ്ട്. ബാറുകളുടെ സമയം ക്രമം, ലൈസന്‍സ് ദീര്‍ഘിപ്പിക്കല്‍ തുടങ്ങിയ പ്രധാന വിഷയങ്ങള്‍ സംബന്ധിച്ച് മൂവാറ്റുപുഴ ഗംഗ ബാറില്‍ നിന്ന് വിനോദ് 50,000 രൂപ വാങ്ങിയതായി വിവരം ലഭിച്ചു. ആലപ്പുഴ ഡി സി അജയിയെ സംബന്ധിച്ചും ഗുരുതരമായ ആരോപണങ്ങള്‍ അന്വേഷണ റിപ്പോര്‍ട്ടിലുണ്ട്. ആലപ്പുഴ കായംകുളം കുറ്റിച്ചിറയിലുള്ള റോമ സെന്റര്‍ എന്ന ബാറില്‍ ഇന്‍സ്‌പെക്ഷന് പോകുമ്പോള്‍ ബാര്‍ ഉടമ രതീഷ് 30,000 രൂപ നല്‍കണമെന്ന് ആവശ്യപ്പെട്ടു. എന്നാല്‍ ബാര്‍ ഉടമയെ ബന്ധപ്പെട്ട് ചോദിച്ചാല്‍ ഇതില്‍ രതീഷ് സത്യം പറയില്ല. എക്സൈസ് മന്ത്രിയുമായി അടുത്ത ബന്ധം പുലര്‍ത്തുന്ന ആളാണ് ബാര്‍ ഉടമ രതീഷ് എന്നും റിപ്പോര്‍ട്ടിലുണ്ട്.
ഓണം കഴിഞ്ഞതിന് ശേഷം ഇതേ ബാറില്‍ നിന്ന് ലൈസന്‍സ് പുതുക്കുന്നതിനായി 20,000 രൂപ വാങ്ങിയെന്നും വിവരം നല്‍കിയ ആള്‍ സാംബശിവ റാവുവിനോട് വ്യക്തമാക്കിയിട്ടുണ്ട്. മന്ത്രിയുമായി ബാര്‍ ഉടമ രതീഷിന് അടുത്ത ബന്ധമായതിനാല്‍ അദ്ദേഹം ചോദിച്ചാല്‍ സത്യം പറയുമെന്നാണ് റിപ്പോര്‍ട്ടിലെ പരാമര്‍ശം. ക്രമവിരുദ്ധമായി കള്ള് ഷാപ്പിനായുള്ള ഒരു ലൈസന്‍സ് രണ്ട് കെട്ടിടങ്ങള്‍ക്ക് നല്‍കി എന്ന ആരോപണവും അജയ്‌ക്കെതിരെ റിപ്പോര്‍ട്ടില്‍ ഉന്നയിക്കുന്നുണ്ട്. പോര്‍ട്ടലില്‍ പരാതി വന്നപ്പോള്‍ കോട്ടയം ഡിസിയായിരുന്ന അജയ്ക്ക് റിപ്പോര്‍ട്ടിനായി നല്‍കിയിരുന്നെങ്കില്‍ അന്വേഷണം ഉണ്ടായില്ലെന്നാണ് റിപ്പോര്‍ട്ടിലുള്ളത്. ഡിസി അജയ് ഒരു ലക്ഷം രൂപ കൈക്കൂലി വാങ്ങിയാണ് കള്ള് ഷാപ്പിന് ലൈസന്‍സ് നല്‍കിയതെന്നാണ് ഗുരുതര ആരോപണം. അജയ് രണ്ട് മൂന്ന് ബാറുകല്‍ ലീസിനും വിലയ്ക്കും ഇദ്ദേഹത്തിന്റെ കോ ബ്രദറിനെകൊണ്ട് വാങ്ങി പ്രവര്‍ത്തിപ്പിക്കുന്നുണ്ട്. പെര്‍മിറ്റ് കള്ളിന്റെ വില്‍പ്പന നടത്തുന്നുണ്ട്. കുറേ ബിനാമി വസ്തുവകകള്‍ വാങ്ങിയിട്ടുണ്ടെന്നും സാംബശിവറാവുവിന്റെ റിപ്പോര്‍ട്ടില്‍ പറയുന്നു.
ഒരു ബാര്‍ ഉടമകളും എക്സൈസ് ജീവനക്കാരെ ഒറ്റിക്കൊടുക്കില്ല. അവര്‍ക്ക് ലഭിക്കുന്ന ലാഭത്തിന്റെ 10% വരെ കൈക്കൂലിയായി നല്‍കും. ബാറുകളില്‍ എക്‌സ്‌പെന്‍ഡിച്ചര്‍ എഴുതുന്ന സമയത്ത് 'സന്തോഷം' എന്ന പേരിലാണ് ഈ തുക രേഖപ്പെടുത്തുന്നത്. എന്നാല്‍ ഇതു വിജിലന്‍സ് കണ്ടുപിടിച്ചശേഷമാണ് ഈ പേരിലെ എഴുത്ത് നിര്‍ത്തിവെച്ചത്. ജെഇസി വിനോദ്, ഡി സി അജയ് എന്നിവര്‍ ചില പ്രത്യേക ചാനല്‍സ് വഴി ഏജന്റുമാരെ ഉപയോഗിച്ചാണ് പണം സ്വീകരിക്കുന്നത്. മുന്‍പും പലവിധ കേസ്സുകളില്‍ ഉള്‍പ്പെട്ടിട്ടുള്ള വിനോദ് അദ്ദേഹത്തിന്റെ സ്വാധീനങ്ങള്‍ ഉപയോഗിച്ച് രക്ഷപ്പെട്ടിട്ടുണ്ട്. ആലത്തൂര്‍ റേഞ്ച് പരിധിയിലെ അണക്കാപ്പാറ എന്ന സ്ഥലത്തെ കള്ള് ഷാപ്പില്‍ നിന്നും സ്പിരിറ്റ്, വ്യജക്കളള് എന്നിവ കണ്ടെത്തിയ കേസിലെ പ്രതികളായ കള്ളുഷാപ്പ് ലൈസന്‍സികളും ഉദ്യോഗസ്ഥരും തമ്മിലുള്ള അവിശുദ്ധ ബന്ധം സംബന്ധിച്ച് വിജിലന്‍സ് നടത്തിയ അന്വേഷണത്തിലെ റിപ്പോര്‍ട്ട് പ്രകാരം ഏറ്റവും കൂടുതല്‍ തുക വാങ്ങിയതായി തെളിഞ്ഞ വിനോദ് പിന്നീട് രക്ഷപ്പെട്ടതായും റിപ്പോര്‍ട്ടിലുണ്ട്. ഇവര്‍ക്കെതിരായ കണ്ടെത്തലിന്റെ പശ്ചാത്തലത്തില്‍ ഇരുവരെയും അടിയന്തരമായി ഫീല്‍ഡ് പോസ്റ്റില്‍ നിന്ന് ഒളിവാക്കി എപിസി, ഇസിആര്‍ബി ടോഡ് ബോര്‍ഡ് തുടങ്ങിയ ഏതെങ്കിലും ഓഫീസില്‍ നിയമിക്കണമെന്നാണ് സീറാം സാംബസിവറാവുവിന്റെ റിപ്പോര്‍ട്ടിലെ നിര്‍ദ്ദേശം. ഇവര്‍ക്കെതിരെ വിജിലന്‍സ് അന്വേഷണം നടത്തണമെന്നും ആവശ്യമുണ്ട്.
Content Highlights: An inquiry report submitted by Sambasiva Rao before his transfer from the Excise Department has raised serious bribery allegations against excise officials in connection with the bar licence controversy. The report states that Vinod, a Joint Excise Commissioner serving as JEC at the Excise Commissionerate, had allegedly been providing assistance to the operator of Ganga Bar in matters related to its licence. The report was submitted a day before Sambasiva Rao was moved from the department.